Eh Jang, ekau poso ko?

1. Ha'ah, den tongah poso sokaghang eh ...
2. Uihhh, ghaso lapar ngan haus eh idak totahan ...
3. Tambah laie tompek kojo kono naek bukit, kek ateh nun opis ....
4. Kono naek tanggo laie duo tingkek ... cobaan eh do ..
5. Dipikirkan, mau yo den monyusup poie bilik ayer, montokodaghah ayer paip-si ....
6. Tp doso bosa putuihkan poso ... malaikat dok botenggek kek bahu catit somuo bondo yg nak dibuek kito ..
7. Susah nak dapek pahalo, sonang nak caie doso ... toghutamo maso poso.
8. Sobolum den to-lupo ... ari eh ghaso nak maghah yooo ....
9. Apo kah poso eden akan kogheng sobab den nak lompang tongkuk ughang bulan2 poso nan mulia eh?
10. Apo pun, solamek boposo daie den.

Eh Jang, ekau buek apo? Kojo ko?

1. Ha'ah, eden sokaghang eh tongah kojo ...
2. Ado maso sket, den cughi men MukoBuku ...
3. Maso tongahaghi, den amek maso tido kojap dalam sotongah jam
4. Masok kojo balik, buek kojo ahhhh ... sambil ngacau aweks opis den ..
5. Balik kang ... monumpang komuter ehh, ponuih cam tin sardin ..
6. Sampai umah, nengok TiBi ...
7. Lopeh tu ko kodai mamak sobab den nak montokodaghah ....
8. Lepak layan bola ... tokinjo2 cam boghuk bilo GOLLLLLLLLLL ....
9. Masih laie lepak kek mamak .... tapi udah paneh ati monyoghanah bilo tim bola udah kalah ...
10. Masuk tido pun monyoghanah idak pueh ati .... cissss .... esok lak kono kojo ...

Eh Jang, montokodaghah ko?

1. Eden nak coghito bab sumuo ughang paling suko .... bab montokodoghah ... makan ahh ..
2. Soal makan, den sangguip boghabeh duit somato2 nak moghaso makanan yg sodap2 ...
3. Sobab makan lobeh afdhal daie poghabeh duit poie kolab dangduit, clubbing minom koncing setan apokojadahsumuohagham eh do.
4. Bilo udah montokadaghah (tambah laie ughang bolanjo makan pocumo), kono pulak eh ado sambal bolacan pokono ngan ulam2 .... huiiiii ....
5. Den kalu montokodaghah sambal bolacan, sangek lah tojatuh chento tak ingek kek laen ....
6. Kalu bab montokodaghah eh eden idak la momileh bobona, asal sodap di muluit eh, masuk ko poghuit kolua jadik taik juo ...
7. Asal mano halal tobukti, den sobek yooo, mau laie makan pocumo, 'pree of caj' kato mat saleh coluip ...
8. Makan eh rozoki, jangan ditolak, moghano poghuit ehhhh .... tambah laie makan pocumo
9. Tiko sobolum makan, jangan dilupo baco Bismillah, kang setan aposumuokoghabekjin datang kongsi makanan ekau, jang ...
10. Bocoghito bab montokodaghah ni, den plak ghaso lapar nak makan, den poie caie makan dolu, jang!

Apo Kono Eh Jang? Bolagu lah pulakkk ..

1. Toghuih toghang, den kokoghengan ideo nak monulih.
2. Kato omputeh, 'writer's block' apokojadah eh ...
3. Bilo takdo mondo dalam palo lutuit den, den donga lagu ..
4. Huii, minang coluip cam den goma donga lagu kobangsaan Nogoie 9
5. Bukan eh lagu resmi Nogoie bobudak nyanyi kek skula eh ..
6. Lagu Apo Kono eh Jang (femes den) dilagu eh Ally Noor ngan Mastura
7. Kombang lobang idung den bobanggo ngan lagu eh
8. Lagu moncoghomin koiedopan den kek muko bumi eh
9. Sobab den memang bujang laie .....
10. Apo kono Jang oiiiii ...... tolopeh si Milahhhhh .....

P/S: Nak mondonga lagu eh, silo jonguk kek sini

Kojo, Kojo, Kojo .....

1. Kojo ... bondo yang idak disuko tapi kono buek juo.
2. Sumuo eh domi sosuap nasi, ghozoki poghiuk nasi, kaih pagi makan pagi, kaih potang makan potang .... kokadang sampai ko malam buto
3. Koghano momiker camano nak ponuihkan poghuit eh ... musti lah kojo ..
4. Kojo idak monjamin maso dopan, tapi kojo ngan botul, ado jaminan Lever Brothers bulih stabil skit idop ehh.
5. Kalu idak bokojo, nak buek apo?
6. Dok umah makan minom tido takdo guno eh do, Jang oiii, sapo nak boie duit buek bolanjo sumuo eh ...
7. Kono kojo gak Jang oiii, apo kojo asal halal ghozoki eh ...
8. Kojo elok2, molek2, dapek ghozoki diborkek oleh Allah .... bulih buek momacam ..
9. Susah mano kojo eh, ngan duit gaji yg didapek dibuek boie makan anakbini ...
10. Kojo yo lah, bior bosongkang bijik mato eh, jangan lupo kek Allah ngan amal ibadek udah la Jang oiiii ...

Boyo Daghek

1. Den nak cito bab buayo daghek ...
2. Kojo eh nak moncaghi anak dagho nak dibuek lauk siang potang malam
3. Tak dapek anak dagho, mak jando pun jadi yooo
4. Kalu idah kono ngap ngan buayo eh, hui, konpom poghuit eh mombuncit ....
5. Yg den cukuip heran, apokono anak dagho & mak jando yg bopolajaran tinggi eh leh kono ngap ngan si buayo?
6. Apo tak cukuip pandai eh, atau bodo eh molantun2 sojak masuk unibersiti apo sumuo ...
7. Ni musti tak ingek posanan ughang tuo2, ayer yg tonang jgn disangko takdo buayo ...
8. Kalu den dapek tangkap buayo durjano, nak yo den buek beg tgn kulit buayo daghek ....
9. Kasuit tumit tinggi pun blh dibuek drp buayo eh
10. Bilo dipikirkan pulo, yg anak dagho & mak jando mungkin momboli baghangan kulit eh ... masakkkkk!

Apo kono eh jang, ekau nulih apo?

1. Ini kali potamo den monulih blog .... toghuih toghang, den taktau apo bondo eh nak ditulihkan ....
2. Den bodal yo la .... tagham yang mano den suko, apotokobondosumuocito den sapu yo ....
3. Den ingek, kang esok luso, ado la ideo nak ditulih ....
4. Apo eh?
5. Huh, poneng palo lutuit den momikir bondo yang nak ditulih ...
6. Nak nulih bab kojo ko, bab poiebadi ko?
7. Udah pueh den pikir eh guno palo lutuit den ... tak dapek juo
8. Toghingek den coghito dodolu .... tapi yang mano satu
9. Omak ngaiii, udah lupo lak den eh
10. Apotokobondo den nak nulih tadi?